المنطقة الصناعية

مزاجي :: محلي ::

اليوم اضطررت أزور المنطقة الصناعية .. وأعنيها بكل ماتحمل كلمة اضطرار من معني .. لأني بكل أسف أفكر ألف مرة قبل لا أزور هالمكان ...
وزاد للأسف ازدرائي للمنطقة بعد زيارتها اليوم .. وتملكني نوع من الغضب على نوع من الحسرة والقهر...
كل ذلك بسبب  العشوائية والاهمال للمكان والشوارع اللي امتلئت بالحفر والسيارات السكراب الموزعة بكل مكان ... لدرجة شوارع تم إغلاقها بسبب وضع السيارات في بداية وعلى طول الشارع ...

وين المسؤولين اللي تم تعيينهم لمراقبة المنطقة؟ وين القوانين اللي المفروض تنظم المنطقة ؟ وين المحاسبة للمسؤولين اللي نسوا دورهم والمسؤليات اللي انحطت على عاتقهم  ؟

شيء يحز بالخاطر ويضايق الصراحة ويخليك تتحسر على اعيال البلد اللي أهملوا أداء الأدوار المطلوبة منهم ، وأتوقع هم راح يكونون أول ناس ينتقدون  غيرهم لو حصلوا الفرصة أو شافوا شيء غلط  ...

أتمنى من كل قلبي انه مثل هالامور ماتكون موجودة في بلدنا .. وإن شاء الله الواحد يتفائل خير في جيل المستقبل لأنه الجيل الحالي من مسؤولين اعتقد فقدوا الحس الوطني للأسف ...

--------------------------
Sent using BlackBerry